ញាក់សាច់ យប់នេះសំរាមមិនមែនកើនទ្វេដងទេ គឺកើនឡើង៥ដងឯណោះ.....

ញាក់សាច់យប់នេះសំរាមមិនមែនកើនទ្វេដងទេ គឺកើនឡើង៥ដងឯណោះ ទោះយ៉ាងណាក្រុមយុវជនប្តេជ្ញានៅតែបន្តប្រមូលសំរាម៖

គិតមកត្រឹមរាត្រីថ្ងៃទី១៥​ មិនា ២០១៩ នេះ ជាយប់ទី៥ហើយដែលក្រុមយុវជននៅតែបន្តប្រមូលសំរាមក្នុងប្រឡាយលូបឹងត្របែក។ តាមប្រភពហ្វេសប៊ុក Kodomo បានឲ្យដឹងថា ប្តូរទីកន្លែងម្តង មានទាំងអាជ្ញាធរទៀត ព្រោះលើកនេះមិនមែន គុណ៣ គឺគុណ៥ម្តង តែម្តងនេះបើធ្វើដល់ភ្លឺក៏មិនអស់ដែរ
មានតែប្តូរយុទ្ធសាស្រ្តបន្តទៀត  ពលរដ្ឋខ្ញុំពិតជាគំរូ។ គួរបញ្ជាក់ផងដែរថា បើតាមការចុះទៅសំភាសន៍របស់ទូរទស្សន៍ CNC នៅទីតាំងផ្ទាល់បានឲ្យដឹងថា ក្រុមយុវជននឹងបន្តប្រមូលសំរាមក្នុងប្រឡាយលូទឹកស្អុយ បើទោះជាអ្នកបោះនៅតែបោះក៏ដោយ។ ដំណឹងនេះចាត់ទុកជាសារផ្ញើជូនប្រជាពលរដ្ឋគ្រប់មជ្ឈដ្ឋានគប្បីមានការភ្ញាក់រលឹកឡើងក្នុងការចោលសំរាមផ្តេសផ្តាស។ ជាចុងក្រោយ ក្រុមយុវជនក៏បានអំពាវនាវត្រូវការអ្នកស្ម័គ្រចិត្តជួយប្រមូលសំរាមបន្ថែម ព្រោះកំលាំងក្រុមខ្លួនមិនគ្រប់គ្រាន់ឡើយ។ បន្ថែមលើសពីនេះ បងប្អូនក៏អាចជួយជាសំភារៈដល់ពួកគាត់បានផងដែរ។ សូមជួយផ្តល់កំលាំងចិត្តដល់ពួកគាត់ផង៕
ចុចមើលVideo